புவிசார் குறியீடு
- ஒரு புவிசார் குறியீடானது ஒரு குறிப்பிட்ட புவியியல் இருப்பிடம் அல்லது ஒரு பகுதி, நகரம் அல்லது நாடு போன்றவற்றுடன் தொடர்புடைய சில தயாரிப்புகளுக்கு வழங்கப்படும் பெயர் அல்லது அடையாளம் ஆகும்.
- புவிசார் குறியீடுகளைப் பயன்படுத்துவது என்பது, அந்த குறிப்பிட்ட தயாரிப்பு பாரம்பரிய முறைகளின்படி தயாரிக்கப்படுகிறது, சில குறிப்பிட்ட குணங்களைக் கொண்டுள்ளது அல்லது அதன் புவியியல் தோற்றம் காரணமாக ஒரு குறிப்பிட்ட நற்பெயரைக் கொண்டுள்ளது என்பதற்கான சான்றிதழாகக் கருதப்படலாம்.
- புவிசார் குறியீடானது பொதுவாக பானங்கள், உணவுப் பொருட்கள், விவசாயப் பொருட்கள், கைவினைப் பொருட்கள் மற்றும் தொழில்துறை தயாரிப்புகளுக்குப் பயன்படுத்தப்படுகின்றன.
- அங்கீகரிக்கப்பட்ட பயனர்களாகப் பதிவு செய்தவர்களைத் தவிர வேறு யாரும் பிரபலமான தயாரிப்புப் பெயரைப் பயன்படுத்த அனுமதிக்கப்படுவதில்லை என்பதை புவிசார் குறியீடு உறுதி செய்கிறது.
- ஒரு பொருளின் பெயரைக் குறிப்பிட்டாலே அந்த குறிப்பிட்ட பகுதியை அடையாளம் காணும் அளவிற்கு உள்ளதாக புவிசார் குறியீடு பெறும் பொருட்கள் இருக்க வேண்டும்.
புவிசார் குறியீடுகளை அங்கீகரிக்கும் மற்றும் ஒழுங்குபடுத்தும் அமைப்பு
- தொழில்துறை சொத்துக்களைப் பாதுகாப்பதற்கான பாரிஸ் மாநாட்டின் கீழ் புவிசார் குறியீடுகள் அறிவுசார் சொத்து உரிமைகளின் (IPRs) ஒரு அங்கமாக உள்ளடக்கப்பட்டுள்ளன.
- சர்வதேச அளவில், புவிசார் குறியீடானது உலக வர்த்தக அமைப்பின் (WTO’s) அறிவுசார் சொத்துரிமைகளின் வர்த்தகம் தொடர்பான அம்சங்கள் (TRIPS) உடன்படிக்கையால் நிர்வகிக்கப்படுகிறது.
- இந்தியாவில், புவிசார் குறியீடுகள் பதிவு என்பது பொருட்களின் புவிசார் குறியீடுகள் (பதிவு மற்றும் பாதுகாப்பு) சட்டம், 1999 மூலம் நிர்வகிக்கப்படுகிறது, இது செப்டம்பர் 15, 2003 முதல் நடைமுறைக்கு வந்தது.
- இந்தியாவில் முதன் முதலாக டார்ஜிலிங் தேநீரானது 2004-05 ஆம் ஆண்டில் புவிசார் குறியீட்டைப் பெற்றது.
புவிசார் குறியீடுகளின் பயன்கள்
- தயாரிப்புகளுக்கு சட்டப் பாதுகாப்பு
- அங்கீகாரம் பெறாத மற்றவர்கள் புவிசார் குறியீடு தயாரிப்புகளை தவறாக பயன்படுத்துவதைத் தடுக்கிறது
- இது நுகர்வோர் விரும்பிய பண்புகளின் தரமான தயாரிப்புகளைப் பெற உதவுகிறது மற்றும் நம்பகத்தன்மையை உறுதிப்படுத்துகிறது
- தேசிய மற்றும் சர்வதேச சந்தைகளில் அவர்களின் தேவையை அதிகரிப்பதன் மூலம் புவிசார் குறியீடு பொருட்களின் உற்பத்தியாளர்களின் பொருளாதார செழுமையை ஊக்குவிக்கிறது
புவிசார் குறியீடுகளின் முக்கியத்துவம்
- புவிசார் குறியீடானது, அடையாளத்தைப் பயன்படுத்த உரிமை உள்ளவர்கள் மட்டும் பயன்படுத்துவதையும்,
- மேலும் பொருத்தமான தரநிலைகளுக்கு ஒவ்வாத மூன்றாம் தரப்பினரால் அதன் பயன்பாட்டைத் தடைசெய்வதற்கும் உதவுகிறது.
- இருப்பினும், ஒரு பாதுகாக்கப்பட்ட புவிசார் குறியீடு என்பது, அந்த குறிப்பிற்கான தரநிலைகளில் குறிப்பிடப்பட்டுள்ள அதே அணுகுமுறைகளைப் பயன்படுத்தி எவரேனும் ஒரு பொருளை தயாரிப்பதைத் தடைசெய்ய அனுமதிக்காது.
புவிசார் குறியீடு பெற்றுள்ள தமிழ்நாடு பொருட்களின் பட்டியல்
- தமிழகத்தில் இதுவரை 62 பொருள்களுக்கு புவிசார் குறியீடு கிடைக்கப் பெற்றுள்ளதாகவும் அதில் தஞ்சை மாவட்டம் சாதனை படைத்திருப்பதாகவும் வழக்குரைஞர் சஞ்சய் காந்தி கூறியுள்ளார்.
- கும்பகோணம் வெற்றிலை, கன்னியாகுமரி தோவாளை மாணிக்கம் மாலைக்கு புவிசார் குறியீடு கிடைத்துள்ளதாக புவிசார் குறியீடு வழக்குரைஞர் சஞ்சய் காந்தி தெரிவித்துள்ளார்.
- தமிழகத்தில் இதுவரை 62 பொருள்களுக்கு புவிசார் குறியீடு பெறப்பட்டு இந்திய அளவில் அதிக புவிசார் குறியீடு பெற்ற மாநிலங்களில் இரண்டாவது இடத்தில் தமிழகம் விளங்கி வருகிறது.
தமிழகத்தில் புவிசார் குறியீடு பெற்ற பொருட்கள் விவரங்கள்:2025:(UPDATED APRIL 2025)
- அரும்பாவூர் மரச்சிற்பம்
- ஆரணிப் பட்டு
- இலவம்பாடி முள்கத்திரி
- அய்யம்பாளையம் நெட்டை தென்னை
- ஈரோடு மஞ்சள்
- உடன்குடி கருப்பட்டி
- ஊட்டி வர்க்கி
- ஊத்துக்குளி வெண்ணெய்
- கம்பம் பன்னீர் திராட்சை
- கன்னியாகுமரி மாறாமலை கிராம்பு
- கன்னியாகுமரி மட்டி வாழைப்பழம்
- காஞ்சிபுரம் பட்டு
- காரைக்குடி ஆத்தங்குடி பளிங்கு ஓடுகள்
- காரைக்குடி கண்டாங்கி
- காரைக்குடி கண்டாங்கி சேலை,
- காரைக்குடி காரைவீடு,
- காரைக்குடி கொட்டான்,
- கிழக்கிந்திய தோல் தொழிற்சாலை
- கொடைக்கானல் மலைப்பூண்டு
- கோயமுத்தூர் ஈரமாவு அரவைப்பொறி
- நாகர்கோயில் கோயில் நகை
- கோவில்பட்டி கடலை மிட்டாய்
- கோவை கோரா பருத்திப் புடவை
- சிறுமலை மலை வாழைப்பழம்
- சீரக சம்பா அரிசி
- சுவாமிமலை வெண்கலப் படிமங்கள்
- சேலத்துப் பட்டு
- சேலம் சுங்கடி
- சேலம் ஜவ்வரிசி
- சோழவந்தான் வெற்றிலை
- தஞ்சாவூர் ஓவியத்தட்டு
- தஞ்சாவூர் ஓவியம்
- தஞ்சாவூர் தலையாட்டி பொம்மை
- தஞ்சாவூர் நெட்டி வேலைப்பாடு
- தஞ்சாவூர் வீணை
- திருநெல்வேலி செடிபுட்டா சேலைகள்
- தோடா பூந்தையல்
- நகமம் காட்டன் சேலை
- நரசிங்கம்பேட்டை நாகசுரம்
- நாச்சியார் கோயில் விளக்கு
- நீலகிரி தேநீர்
- பத்தமடை பாய்
- பவானி ஜமக்காளம்
- பழநி பஞ்சாமிர்தம்
- மகாபலிபுரம் கற்சிற்பம்
- மணப்பாறை முறுக்கு
- மதுரை சுங்குடி சேலை
- மதுரை மல்லி
- மயிலாடி கல் சிற்பம்
- மயிலாடுதுறை தைக்கால் பிரம்பு வேலைப்பாடுகள்
- மார்த்தாண்டம் தேன்
- மானாமதுரை மண்பாண்டம்
- வாணியம்பாடி பிரியாணி
- விருதுநகர் புரோட்டா
- விருப்பாச்சி வாழை
- வேலூர் முள்ளு கத்தரிக்காய்
- ஜடாரி நாமக்கட்டி
- மதுரை மரிக்கொழுந்து.
- மதுரை விளாச்சேரி களிமண் பொம்மைகள்
- திருவண்ணாமலை ஜடேரி நாமக்கட்டி
- கும்பகோணம் வெற்றிலை
- கன்னியாகுமரி தோவாளை மாணிக்கம் மாலை