CURRENT AFFAIRS IN TAMIL DECEMBER 2024 ( 13.12.2024 -14.12.2024 )

செஸ் போட்​டி​யில்  இளம் வயதில் உலக சாம்​பியன் பட்டம் வென்ற முதல் வீரர்:

• சிங்​கப்​பூரில் நடைபெற்ற உலக செஸ் சாம்​பியன்​ஷிப் போட்​டி​யில் (18th World Chess Champion-2024) சீனா​வின் லிங் லிரெனை வீழ்த்தி சாம்​பியன் பட்டம் வென்​றுள்​ளார் தமிழகத்தை சேர்ந்த இந்திய கிராண்ட் மாஸ்​டரான 18 வயது குகேஷ். இதன்​மூலம் இளம் வயதில் உலக சாம்​பியன் பட்டம் வென்ற முதல் வீரர் என்ற வரலாற்று சாதனையை​யும் படைத்​தார்.

• சிங்​கப்​பூரில் நடைபெற்ற உலக செஸ் சாம்​பியன்​ஷிப் போட்​டி​யின் நிறைவு விழா​வில், உலக சாம்​பியன் பட்டம் வென்ற தமிழக இளம் வீரர் குகேஷுக்கு தங்கப் பதக்​கம், டிராபி​யுடன் ரூ.11 கோடி பரிசுத் தொகை​யும் வழங்​கப்​பட்​டது. அவரை ஊக்கப்​படுத்​தும் வகையில் தமிழக அரசு சார்​பில் ரூ.5 கோடி ரொக்கப் பரிசு வழங்​கப்​படும் என்று முதல்வர் ஸ்டா​லின் அறிவித்​துள்ளார்.

• விஸ்​வநாதன் ஆனந்​துக்கு பிறகு உலக சாம்​பியன் பட்டத்தை வென்ற இந்திய வீரர் என்ற பெரு​மை​யை​யும் பெற்றுள்​ளார். 

இந்திய ராணுவத்தின் கவுரவ ஜெனரல் பதவி:

• குடியரசுத் தலைவர் திருமதி திரௌபதி முர்மு (டிசம்பர் 12, 2024) குடியரசுத் தலைவர் மாளிகையில் நடைபெற்ற சிறப்பு பதவியேற்பு விழாவில், நேபாள இராணுவத்தின் இராணுவத் தளபதி சுப்ரபால் ஜனசேவஸ்ரீ ஜெனரல் அசோக் ராஜ் சிக்டெலுக்கு இந்திய இராணுவத்தின் கௌரவ ஜெனரல் பதவியை வழங்கினார்.

• அவரது பாராட்டத்தக்க இராணுவ வலிமை மற்றும் இந்தியா-நேபாளம் இடையே நீண்டகாலமாக நட்புறவை வளர்ப்பதில் அவர் ஆற்றிய பங்களிப்பிற்காக இவ்விருது அவருக்கு வழங்கப்பட்டுள்ளது.

விண்வெளித் துறையில் இந்தியாவை வளர்ந்த நாடாக மாற்ற இலக்கு:

• இந்தியாவின் விண்வெளி தொலைநோக்குத் திட்டம் 2047-ல் குறிப்பிடப்பட்டுள்ள இலக்குகளை அடைய மத்திய அரசு குறிப்பிடத்தக்க முயற்சிகளை மேற்கொண்டு வருகிறது. 

• விண்வெளி நடவடிக்கைகளில் இந்திய தனியார் துறையின் பங்களிப்பை அனுமதிக்க மத்திய அரசு 2020-ம் ஆண்டில் விண்வெளித் துறை சீர்திருத்தங்களை மேற்கொண்டுள்ளது.

• விண்வெளி புத்தொழில் நிறுவனங்களை ஊக்குவிப்பதோடு, அடுத்த ஐந்து ஆண்டுகளில் IN-SPACe-ன் கீழ் விண்வெளித் துறைக்கு அர்ப்பணிக்கப்பட்ட ரூ.1000 கோடி மூலதன நிதியை அமைக்கவும் அரசு ஒப்புதல் அளித்துள்ளது

• TNPSC EXAM KEY POINTS : INDIA’S SPACE VISION 2047 DETAILS IN TAMIL

கிராமப்புற இந்தியாவில் நெட்வொர்க் கவரேஜ்:

• நாட்டில் உள்ள 6,44,131 கிராமங்களில் (இந்திய தலைமைப் பதிவாளர் கூற்றுப்படி), சுமார் 6,22,840 கிராமங்களில் செல்பேசி வசதி உள்ளது, 

• இவற்றில் 6,14,564 கிராமங்கள் 30.09.2024 நிலவரப்படி 4ஜி சேவை இணைப்பு பெற்றுள்ளன.

• பழங்குடியினர் விவகார அமைச்சகத்தின் பிரதமரின் பழங்குடியின நியாய மகா இயக்கத்தின் கீழ் (an Mantri Janjati Adivasi Nyaya Maha Abhiyan (PM JANMAN) Mission), 4,543 குறிப்பாக பாதிப்புக்குள்ளாகும் பழங்குடியினர் குடியிருப்புகள், செல்பேசி வசதி இல்லாதவை என கண்டறியப்பட்டு, அவற்றில் 1,136 குடியிருப்புகளுக்கு இந்த வசதி வழங்கப்பட்டுள்ளது.

• 31.10.2024 நிலவரப்படி, பல்வேறு டிஜிட்டல் பாரத நிதியுதவியுடன் 1,018 செல்பேசி கோபுரங்கள் கட்டுவதற்கு ரூ.1,014 கோடி மதிப்பீட்டில் இந்தக் குடியிருப்புகளுக்கு 4ஜி வசதி வழங்க ஒப்புதல் அளிக்கப்பட்டுள்ளது.

அணுசக்தி விரிவாக்க திட்டம்:

• அணுமின் உற்பத்தித் திறனை தற்போதுள்ள 8180 மெகாவாட்டிலிருந்து 2031-32-ம் ஆண்டுக்குள் 22,480 மெகாவாட்டாக உயர்த்தும் திட்டம் செயல்படுத்தப்பட்டு வருகிறது. 

• 2070 ஆம் ஆண்டு வாக்கில்  நாட்டின் எரிசக்தி கலவையை நிகர பூஜ்ஜியத்திற்கு மாற்றுவதற்காக, நாட்டின் எரிசக்தித் துறையை கார்பன் நீக்கம் செய்வதற்கான உத்தியின் ஒரு பகுதியாக அணுசக்தி விரிவாக்கம் உள்ளது.

• இந்திய அணு மின் கழகம் அமலாக்கும் திட்டங்களில் தமிழ்நாட்டில் உள்ள கூடங்குளம் அணு மின் திட்டம் 3,4,5,6 ஆகியவற்றில் மொத்தம் 2000 மெகா வாட் மின்னுற்பத்தியும் அடங்கும்

• நவம்பர், 2021 இல், காலநிலை மாற்றம் தொடர்பான ஐக்கிய நாடுகளின் கட்டமைப்பு மாநாட்டின் (COP 26) 26வது அமர்வில், 2070 ஆம் ஆண்டுக்குள் நிகர பூஜ்ஜியத்தை அடைவதற்கான தனது இலக்கை இந்தியா அறிவித்தது. பாரீஸ் ஒப்பந்தத்தின் 4வது பிரிவு 19வது பாரா 19ஐ அங்கீகரிக்கும் வகையில், இந்தியாவின் நீண்ட காலம் -கால குறைந்த கார்பன் மேம்பாட்டு உத்தி, காலநிலை தொடர்பான ஐக்கிய நாடுகளின் கட்டமைப்பு மாநாட்டிற்கு சமர்ப்பிக்கப்பட்டது

• டிசம்பர் 2022 இல், 2070 ஆம் ஆண்டிற்குள் நிகர பூஜ்ஜிய உமிழ்வை அடைவதற்கான கட்டமைப்பை வழங்குவதற்காக இந்திய நாடாளுமன்றத்தின் மேலவையில் "நிகர பூஜ்ஜிய உமிழ்வு" மசோதா அறிமுகப்படுத்தப்பட்டது

அன்னிய நேரடி முதலீட்டை (FDI) ஈர்ப்பதில் இந்தியாவின் குறிப்பிடத்தக்க சாதனை 2024:

• நடப்பு நிதியாண்டின் முதல் அரையாண்டில், அந்நிய நேரடி முதலீடு சுமார் 26% அதிகரித்து 42.1 பில்லியன் டாலராக உயர்ந்துள்ளது. 

• கடந்த பத்தாண்டில் (ஏப்ரல் 2014 முதல் செப்டம்பர் 2024 வரை), மொத்த அந்நிய நேரடி முதலீடு 709.84 பில்லியன் டாலராக இருந்தது. இது கடந்த 24 ஆண்டுகளில் ஒட்டுமொத்த அந்நிய நேரடி முதலீட்டில் 68.69% ஆகும். இந்த வலுவான முதலீடுகளின் வருகை, உலகப் பொருளாதார நிலையை வடிவமைப்பதில் இந்தியாவின் முக்கிய பங்கை சுட்டிக் காட்டுகிறது.

• TNPSC EXAM KEY POINTS :  INDIA’S FDI ACHIEVEMENT 2024 

இந்தியாவின் தொழில்துறை உற்பத்தி குறியீடு 2024 :

• 2024 அக்டோபர் மாதத்திற்கான தொழில்துறை உற்பத்திக்கான  வளர்ச்சி விகிதம் (India's Index of Industrial Production ) 3.5 சதவீதமாகும். இந்த விகிதம்  செப்டம்பர் மாதத்தில் 3.1 சதவீதமாக இருந்தது.

• சுரங்கம், உற்பத்தி, மின்சாரம் ஆகிய மூன்று துறைகளின் வளர்ச்சி விகிதங்கள் முறையே 0.9 சதவீதம், 4.1 சதவீதம் மற்றும் 2.0 சதவீதமாகும்.

• தொழில்துறையின் உற்பத்திக் குறித்த விரைவான மதிப்பீடுகள் 2023 அக்டோபர் மாதத்தில் 144.9 ஆக இருந்த நிலையில், 2024 அக்டோபரில் இந்த மதிப்பீடுகள்  149.9 ஆக உள்ளது.

OUR CURRENT AFFAIRS PDF AVAILABLE IN GOOGLE DRIVE :

TODAY CURRENT AFFAIRS IN TAMIL pdf

FOLLOWS ON:

• Instagram :   / tnpscpayilagam 

• Personal Twitter:   / @TNPSCPayilagam) / X(twitter.com) 

• Facebook Page :   / TNPSCPAYILAGAM

• Email: tnpscpayilagam@gmail.com

• Telegram: https://t.me/TNPSCPAYILAGAM 

• LinkedIN: TNPSCPAYILAGAM | LinkedIn 

• Pinterest : https://in.pinterest.com/tnpscpayilagam

• Youtube : https://www.youtube.com/@TNPSCPAYILAGAM

 

If you have any questions, suggestions, or queries, please feel free to contact us at tnpscpayilagam@gmail.com. We would love to hear from you and help you achieve your dreams. Thank you for visiting TNPSCPAYILAGAM and happy learning!..