இந்தியாவில், அனைவரையும் உள்ளடக்கும் கல்வி முறையை ஊக்குவிக்கும் நோக்கில் முதன்முறையாக சைகை மொழிக்கென ஓர் ஒளிவழி தொடங்கப்பட்டுள்ளது.
இம்முறை 24 மணிநேரம் செயல்படவிருக்கும். அந்த ஒளிவழியை இந்திய கல்வி அமைச்சர் தர்மேந்திர பிரதன் தொடங்கி வைத்தார்.
இந்திய நாட்டின் பிஎம் இ-வித்யா (PM e-VIDYA) திட்டத்தின்கீழ் புதிய ஒளிவழி தொடங்கப்பட்டுள்ளது.
மேலும், சேனல் 31 (Channel 31) என்றழைக்கப்படும் அந்தப் புதிய ஒளிவழியை இந்தியாவின் தேசிய கல்வி ஆய்வு, பயிற்சி மன்றம் (NCERT) நடத்தும்.
இந்தியா முழுவதும் உள்ள செவித்திறன் குறைபாடு உள்ள மாணவர்கள், ஆசிரியர்கள், கல்வியாளர்கள் ஆகியோருக்கு முழுமையான கல்வி வளங்களை வழங்குவது சேனல் 31ன் இலக்காகும்.
