பேச்சு வழக்குத் தொடர்களிலுள்ள பிழை திருத்தம் / PECHU VAZHAKKU THODAR PILAITHIRUTHAM TNPSC ILAKKANAM NOTES

தமிழ்‌ தகுதி மற்றும்‌ மதிப்பீட்டுத்‌ தேர்வு TNPSC NEW SYLLABUS 2025 :

இலக்கணம்:அலகு II: சொல்லகராதி 

பேச்சு வழக்குத் தொடர்களிலுள்ள பிழை திருத்தம் :

பேச்சு வழக்கு	பிழை திருத்தம்
அம்மா பசிக்கிது எனக்குச் சோறு வேணும்.	அம்மா! பசிக்கிறது. எனக்குச் சோறு வேண்டும்.
வூட்டுக்கு போகனும்.	வீட்டிற்குப் போக வேண்டும்.
வவுறு நிறையா சாப்புடு.	வயிறு நிறைய சாப்பிடு.
இன்னிக்கு காத்தால வாங்கிட்டு வந்தே	இன்றைக்குக் காலையில் வாங்கி வந்தேன்.
தண்ணி கொண்டா	தண்ணீர் கொண்டு வா.
இப்ப எனக்குப் புரிஞ்சு போச்சு. நீயும் புரிஞ்சிக்கோ	இப்பொழுது எனக்குப் புரிந்துவிட்டது. நீயும் புரிந்துகொள்.
நிலத்தக் கௌறணும்டா அப்பதான் வகுறு நிறையும்	நிலத்தை உழுதால்தான் வயிறு நிறையும்.
அண்ணைக்கு அவனுக்குப் பணம் குடுத்து ஒதவியிருக்க வேண்டியதான.	அன்று அவனுக்குப் பணம் கொடுத்து உதவியிருக்க வேண்டியதுதான்.
வூட்டாண்ட வெளையாண்ட கொயந்தையை அப்பா எங்க இஸ்துகினு போனாரு.	வீட்டுக்கு அருகில் விளையாடிக் கொண்டிருந்த குழந்தையை அப்பா எங்கு அழைத்துக்கொண்டு போனார்.
புள்ளைக்கு உடம்பு சரியில்லை மூணு நாளா சிரமப்படுது	பிள்ளைக்கு உடல்நிலை சரியில்லை. மூன்று நாட்களாக துன்பப்படுகிறது.
ரவைக்கு சித்தப்பன காவலுக்குப் போவ சொல்	இரவு சித்தப்பாவை காவலுக்குப் போகச் சொல்.

• பேச்சு வழக்குச் சொற்களுக்கு இணையான தூய தமிழ்ச் சொற்களை இணைத்தல்