செயற்கை நுண்ணறிவு உயர்சிறப்பு மையம்:
- சென்னையில் உள்ள இந்திய தொழில்நுட்பக் கழகம் (சென்னை ஐஐடி), இந்தியாவின் அடிமட்ட சவால்களைத் தீர்க்கும் வகையில் செயற்கை நுண்ணறிவு உயர்சிறப்பு மையத்தை நிறுவ முடிவு செய்துள்ளது. இதற்காக கலிபோர்னியாவைத் தலைமையிடமாகக் கொண்ட டீப்டெக் ஸ்டார்ட்அப் நிறுவனமான ஜிரோ லேப்ஸ், ஐஐடிஎம் பிரவர்த்தக் டெக்னாலஜிஸ் பவுண்டேஷன் ஆகியவற்றுடன் இக்கல்வி நிறுவனம் இணைந்து செயல்படவுள்ளது.
- CPU, எட்ஜ் டிவைஸ் இண்டர்பியரன்சிங் ஆகியவற்றில் நடைமுறைக்கு ஏற்ற, வலிமையான செயற்கை நுண்ணறிவு தீர்வுகளை உருவாக்குவதில் இந்த உயர்சிறப்பு மையம் கவனம் செலுத்தும். ஏஐ மாதிரிகள் மூலம் அடிப்படைப் பிரச்சனைகளுக்குத் தீர்வு காண உதவும் முக்கிய நடவடிக்கையாக ஜிரோ லேப்ஸ் ‘Kompact AI’ன் முதல் பதிப்பை சென்னை ஐஐடி-ல் (ஏப்ரல் 9, 2025) வெளியிடப்பட்டது.
- ‘Kompact AI’ என்பது ஒரு செயற்கை நுண்ணறிவு தளமாகும். அதிக செலவு பிடிப்பதுடன், எளிதில் கிடைக்காத GPU (Graphics Processing Units)-க்கு பதிலாக CPU-க்கள் மூலம் அடிப்படை மாதிரிகளை உருவாக்கி சேவையளிக்க உதவுகிறது.
- Ziroh Labs ஏற்கனவே DeepSeek, Qwen, Llama உள்ளிட்ட 17 ஏஐ மாதிரிகளை CPU-களில் திறமையாக இயங்க மேம்படுத்தியுள்ளது. இந்த மாதிரிகளை சென்னை ஐஐடி ஏற்கனவே தரப்படுத்தியுள்ளது, செயல்திறன் அளவு, துல்லிய செயல்திறன் ஆகிய இரண்டையும் மதிப்பீடு செய்கின்றன. முதன்முறையாக, உயர் செயல்திறன் கொண்ட ஏஐ CPU-க்களில் திறமையாக உருவாக்கப்பட்டு பயன்படுத்தப்படுகிறது, இதனால் ஏஐ மிகவும் அணுகக்கூடியதாகவும், அளவிடக்கூடியதாகவும், செலவு குறைந்ததாகவும் இருக்கும்.
ரெப்போ வட்டி விகிதத்தை ரிசர்வ் வங்கி 0.25% குறைத்தது:
- வங்கிகள் ரிசர்வ் வங்கியிடமிருந்து பெறும் குறுகிய கால கடனுக்கான வட்டி (ரெப்போ) விகிதத்தை ரிசர்வ் வங்கி 0.25 சதவீதம் குறைத்து 6 சதவீதமாக நிர்ணயித்துள்ளது. இதையடுத்து, வீடு, வாகன கடன்களுக்கான வட்டி விகிதம் குறையும் என்று எதிர்பார்க்கப்படுகிறது.
- ரிசர்வ் வங்கி நடப்பாண்டில் ரெப்போ வட்டி விகிதத்தை குறைப்பது இது இரண்டாவது முறை. முன்னதாக கடந்த பிப்ரவரியில் ரெப்போ வட்டி விகிதம் 0.25 சதவீதம் குறைக்கப்பட்டு 6.25 சதவீதமாக நிலைநிறுத்தப்பட்டது. இந்த நிலையில், ரிசர்வ் வங்கி வெளியிட்ட பணவியல் கொள்கையில் ரெப்போ விகிதத்தை மேலும் 0.25 சதவீதம் குறைத்து 6 சதவீதமாக நிர்ணயித்துள்ளது.
சுற்றுச்சூழலுக்கு மாசு இல்லாத எரி சக்தி உற்பத்தி ஆய்வறிக்கை:
- பிரிட்டனை சேர்ந்த சுற்றுச்சூழல் அமைப்பான எம்பர், சுற்றுச்சூழலுக்கு மாசு இல்லாத எரி சக்தி உற்பத்தி குறித்து ஆண்டுதோறும் ஆய்வு நடத்தி விரிவான அறிக்கையை வெளியிட்டு வருகிறது. இதன்படி எம்பர் அமைப்பின் ஆய்வறிக்கை அண்மையில் வெளியிடப்பட்டது.
- உலகம் முழுவதும் 215 நாடுகளின் மின் உற்பத்தி குறித்து விரிவான ஆய்வு நடத்தப்பட்டது. இதன்படி கடந்த ஆண்டு சர்வதேச அளவிலான மின் உற்பத்தியில் 41 சதவீத மின்சாரம் அணு சக்தி மற்றும் புதுப்பிக்கத்தக்க எரிசக்தி முறைகளில் உற்பத்தி செய்யப்பட்டிருக்கிறது. இது வரவேற்கத்தக்கது. இதன்படி சர்வதேச அளவில் நீர்மின் நிலையங்கள் மூலம் 14%, அணு சக்தி மூலம் 9%, காற்றாலைகள் மூலம் 8%, சூரிய மின் கட்டமைப்புகள் மூலம் 7%, இதர புதுப்பிக்கத்தக்க எரிசக்தி மூலம் 3% மின் உற்பத்தி செய்யப்பட்டிருக்கிறது.
- அதிக அளவில் மின்சாரத்தை பயன்படுத்தும் நாடுகளின் பட்டியலில் சீனா முதலிடத்தில் இருக்கிறது. அமெரிக்கா, ஐரோப்பிய ஒன்றியம், இந்தியா, ரஷ்யா, ஜப்பான், பிரேசில் நாடுகள் அடுத்தடுத்த இடங்களில் உள்ளன.
- சர்வதேச அளவிலான காற்று, சூரிய மின் உற்பத்தியில் சீனா முதலிடத்தில் இருக்கிறது. சீனாவின் மொத்த உற்பத்தியில் 82 சதவீத மின்சாரம், காற்றாலை, சூரிய மின் கட்டமைப்புகள், நீர் மின் நிலையங்கள், அணுமின் நிலையங்கள் மூலம் உற்பத்தி செய்யப்படுகின்றன. அந்த நாட்டில் நிலக்கரி மூலம் 18% மின்சாரம் உற்பத்தி செய்யப்படுகிறது.
- சர்வதேச அளவிலான காற்று, சூரிய சக்தி மின் உற்பத்தியில் ஜெர்மனியை பின்னுக்கு தள்ளி 3-ம் இடத்துக்கு இந்தியா முன்னேறி உள்ளது. இந்தியாவின் மொத்த மின் உற்பத்தியில் 78% நிலக்கரி உள்ளிட்ட புதைபடிமங்களில் இருந்து உற்பத்தி செய்யப்படுகிறது. மீதமுள்ள 22% காற்றாலைகள், சூரிய மின் கட்டமைப்புகள், அணு மின் நிலையங்கள் உள்ளிட்ட புதுப்பிக்கத்தக்க எரிசக்தியில் உற்பத்தி செய்யப்படுகிறது. இவ்வாறு அதில் கூறப்பட்டுள்ளது.
உலக நாடுகளின் பொருட்கள் மீதான பரஸ்பர வரி விதிப்பை 90 நாட்களுக்கு நிறுத்தி வைத்தார் அமெரிக்க அதிபர் டொனால்டு ட்ரம்ப்:
- பரஸ்பர வரி பட்டியலை அமெரிக்க அதிபர் டொனால்டு ட்ரம்ப் கடந்த 02/04/2025-ம் தேதி வெளியிட்டார். இதில் சீன பொருட்களுக்கான வரி 34% ஆக நிர்ணயிக்கப்பட்டிருந்தது.
- இதற்கு பதிலடியாக அமெரிக்காவின் அனைத்து பொருட்களுக்கும் 34% வரி விதிக்கப்படும் என சீனா அறிவித்தது. இதற்குப் பதிலடியாக அமெரிக்கா சீனாவின் கூடுதல் வரி விதிப்புக்கு அபராதமாக 50% வரியை விதித்தது. இதனால் சீனப் பொருட்களின் மீதான வரி 104% ஆனது.
- இந்நிலையில் இவ்விரு நாடுகளுக்கிடையிலான வரி யுத்தம் தீவிரமடைய அமெரிக்க பொருட்களுக்கான வரி (ஏப்.10) முதல் 84% ஆக உயர்த்தப்படும் என சீன நிதியமைச்சகம் 09/04/2025 அறிவித்தது.
- இந்தச் சூழலில் தான் உலக நாடுகளின் பொருட்கள் மீதான பரஸ்பர வரி விதிப்பை 90 நாட்களுக்கு நிறுத்தி வைப்பதாக அறிவித்தார் அமெரிக்க அதிபர் டொனால்டு ட்ரம்ப். ஆனால் இது சீனாவுக்குப் பொருந்தாது என்று அறிவித்துள்ளார்.
சிறுதொழில் நிறுவனங்களுக்கான கூடுதல் முதலீட்டு மானிய உச்சவரம்பு :
- சிறுதொழில் நிறுவனங்களுக்கான கூடுதல் முதலீட்டு மானிய உச்சவரம்பு ரூ.5 லட்சத்தில் இருந்து ரூ.10 லட்சமாக உயர்த்தி வழங்கப்படும் என்று சட்டப்பேவையில் குறு சிறு நடுத்தர தொழில் நிறுவனங்கள் துறை அமைச்சர் தா.மோ.அன்பரசன் அறிவித்தார்.
- 2 ஆயிரம் உயர்கல்வி நிறுவனங்களில் பயிலும் 6 லட்சம் மாணவர்களுக்கு புத்தாக்கம் மற்றும் தொழில்முனைவு தொடர்பாக விழிப்புணர்வு ஏற்படுத்தும் வகையில் தமிழ்நாடு இளைஞர் புத்தாக்கம் மற்றும் தொழில்முனைவோர் மேம்பாட்டுத் திட்டம் ரூ.1.9 கோடி மதிப்பீட்டில் 'நிமிர்ந்து நில்' என்ற பெயரில் செயல்படுத்தப்படும்.
- 100 கிராமங்களில் 100 புத்தொழில் நிறுவனங்களை உருவாக்கும் வகையில் 'கிராமம்தோறும் புத்தொழில்' திட்டம் ரூ.2 கோடி செலவில் செயல்படுத்தப்படும். விண்வெளி தொழில்நுட்பம், கடல்சார் தொழில்நுட்பம் ஆகிய துறைகளில் இயங்கும் புத்தொழில் நிறுவனங்களை ஊக்குவிக்கும் வகையில் தூத்துக்குடியில் புதிய வட்டார புத்தொழில் மையம் அமைக்கப்படும். இவை உட்பட 43 அறிவிப்புகளை அமைச்சர் வெளியிட்டார்.
26 ரஃபேல்-எம் ரக போர் விமானங்களை வாங்க பிரதமர் தலைமையிலான மத்திய அமைச்சரவை ஒப்புதல் அளித்துள்ளது:
- இந்திய கடற்படையில் உள்ள ஐஎன்எஸ் விக்ரமாதித்யா, ஐஎன்எஸ் விக்ராந்த் ஆகிய விமானம் தாங்கி போர்க்கப்பல்களில் பயன்படுத்துவற்காக 45 மிக்-29கே ரக போர் விமானங்கள் உள்ளன. இவை அனைத்தும் ரஷ்யாவிடமிருந்து 2 பில்லியன் டாலர் மதிப்பில் வாங்கப்பட்டவை. ஆனால், இந்த விமானங்களுக்கான சர்வீஸில் கடந்த சில ஆண்டுகளாக பல பிரச்சினைகள் எழுந்தன. கடற்படை பயன்பாட்டுக்கான போர் விமானங்களை உள்நாட்டில் தயாரிக்க இன்னும் 10 ஆண்டுக்கு மேல் ஆகும்.
- அதனால் பிரான்ஸிடமிருந்து 26, ரஃபேல்-எம் ரக போர் விமானங்களை வாங்க கடற்படை முடிவு செய்தது. இதற்கு பாதுகாப்புத்துறை அமைச்சர் ராஜ்நாத் சிங் தலைமையிலான பாதுகாப்பு கொள்முதல் கவுன்சில் கடந்தாண்டு செப்டம்பரில் ஒப்புதல் வழங்கியது. இந்த விமானங்களை பிரான்ஸிடமிருந்து ரூ.64,000 கோடிக்கு வாங்க பிரதமர் மோடி தலைமையிலான மத்திய அமைச்சரவை ஒப்புதல் அளித்தது.
வங்கதேசத்துக்கு வழங்கப்பட்ட சரக்கு முனைய வசதியை நிறுத்தியது இந்தியா:
- வங்கதேச இடைக்கால அரசின் ஆலோசகர் முகமது யூனஸ் சமீபத்தில் சீனாவுக்கு பயணம் மேற்கொண்டார். அப்போது அவர் அளித்த பேட்டியில், ‘இந்தியாவின் 7 வட கிழக்கு மாநிலங்கள் நிலத்தால் சூழப்பட்ட பகுதி. வங்க கடலின் ஒரே பாதுகாவலன் வங்கதேசம்தான். அதனால் அங்கு சீனா முதலீடு செய்ய வேண்டும்’’ என அழைப்பு விடுத்தார். இதற்கு இந்தியா கடும் கண்டனம் தெரிவித்தது.
- இந்நிலையில் இந்திய சரக்கு முனையம் மற்றும் சுங்க நிலையங்களை பயன்படுத்தி கொள்ள வங்கதேசத்துக்கு கடந்த 2020-ம் ஆண்டு வழங்கப்பட்ட அனுமதியை உடனடியாக திரும்ப பெற்றுக்கொள்வதாக மத்திய நேரடி வரிகள் மற்றும் சுங்க வாரியம் வங்கதேசத்துக்கு கடந்த 8-ம் தேதி கடிதம் அனுப்பியது. மேலும், இந்திய பகுதிக்குள் ஏற்கெனவே நுழைந்த வங்கதேசத்தின் சரக்கு வாகனங்களும் இந்திய பகுதியை விட்டு வெளியேறவும் உத்தரவிடப்பட்டுள்ளது. முகமது யூனுஸ் தெரிவித்த கருத்துக்கு பதிலடியாக இந்தியா இந்த நடவடிக்கையை எடுத்துள்ளது.
இந்தியா வந்துள்ள துபாய் இளவரசர் முகமது பின் ரசீத்:
- பாய் இளவரசர் முகமது பின் ரசீத் 2 நாள் பயணமாக நேற்று டெல்லி வந்தார். பிரதமர் மோடியின் அழைப்பின் பேரில், துபாய் இளவரசர் முகமது பின் ரசீத் முதல் முறையாக இந்தியா வந்தார். அவரை டெல்லி பாலம் விமான நிலையத்தில், மத்திய சுற்றுலா மற்றும் பெட்ரோலியத்துறை இணையமைச்சர் சுரேஷ் கோபி வரவேற்றார்.
- இளவரசர் முகமது பின் ரசீத்துக்கு, பிரதமர் மோடி மதிய விருந்தளித்தார். இந்தியா - ஐக்கிய அரபு அமீரகம் இடையே பல துறைகளில் உறவுகளை வலுப்படுத்த இரு தலைவர்களும் பேச்சுவார்த்தை நடத்தினர்.
வாழ்நாள் சாதனையாளர் விருது:
- ஹாலிவுட்டின் பழம்பெரும் நடிகர்களில் ஒருவர் ராபர்ட் டி நிரோ. 80 வயதான இவர், ‘ரேஜிங் புல்’, 'தி காட்பாதர் பார்ட் 2’ படங்களுக்காக 2 முறை சிறந்த நடிகருக்கான ஆஸ்கர் விருதை வென்றுள்ளார். 'டாக்ஸி டிரைவர்', 'தி ஐரிஷ்மேன்', ‘த பிக் வெட்டிங்’, ‘ஜோக்கர்’ என பல படங்களில் நடித்துள்ளார்.
- கடந்த சில வருடங்களுக்கு முன் இவர் அளித்தபேட்டியில், தனக்கு சமீபத்தில் 7-வது குழந்தை பிறந்தது என்று அறிவித்திருந்தார். இந்நிலையில், இவருக்கு 78-வது கேன்ஸ் திரைப்பட விழாவில் வாழ்நாள் சாதனையாளர் விருது வழங்கப்பட இருக்கிறது. மே மாதம் 13-ம் தேதி தொடங்கும் விழாவில் இவ்விருது அவருக்கு வழங்கப்பட உள்ளது.
OUR CURRENT AFFAIRS PDF AVAILABLE IN TELEGRAM PAGE :
FOLLOWS ON:
- Instagram : / tnpscpayilagam
- Personal Twitter: / @TNPSCPayilagam) / X(twitter.com)
- Facebook Page : / TNPSCPAYILAGAM
- Email: tnpscpayilagam@gmail.com
- Telegram: https://t.me/TNPSCPAYILAGAM
- LinkedIN: TNPSCPAYILAGAM | LinkedIn
- Pinterest : https://in.pinterest.com/tnpscpayilagam
- Youtube : https://www.youtube.com/@TNPSCPAYILAGAM
If you have any questions, suggestions, or queries, please feel free to contact us at tnpscpayilagam@gmail.com. We would love to hear from you and help you achieve your dreams. Thank you for visiting TNPSCPAYILAGAM and happy learning!